Om oss


 

Då eg i 2019 fekk den nydelege trebåten «Himinglæva» nærast dettande i armane etter ei kjapp verbal etterlysing om ein 30-fots trebåt, visste eg at denn båten skulle høyre til i Øystese, Hardanger! Den er bygd i nærleiken og er ein av dei få båtane som er att av Hardanger-typen notbåt. Dei fleste er tverre akterut med garnspel som letter arbeidet med å sette ut nota og var difor meir populære, også sokalla gavlabåt. Sjølv om eg eigentleg er 16.generasjons bonde på Aaram Gard på ytre, søre Sunnmøre, nærare bestemt Vanylven kommune, har det vore eit sterkt ynskje å kunne vise fram denne vakre båten i sitt rette element og med frukthagar og Folgefonna som bakteppe. Då klinkerbygg-tradisjonen i 2021 også vart innlemma i Unesco si Verdsarvliste, vart det sjølvsagt ekstra stas å være eigar av ein slik båt. På sikt ynskjer eg også å vise fram produkta frå garden min. Eg dyrker solbær, aronia, stikkelbær, rips og rabarbra på garden og får etter alle solemerke fyrste større avling i 2023. Øystese har også svært mange lokale spesialitetar som vert presentert på sidersmakingsturane. Det er nærliggande at eg som bonde ynskjer å støtte andre bønder i sitt arbeide ved å kjøpe og presentere produkta deira, men det er også eit ynskje om å vise fram lokale mattradisjonar og ikkje minst gjeve ei smak av eplesaft eller -sider som området er mest kjend for.

BOOK NOW